Almatyda jezóksheler ordasyn ashqan 31 jastaǵy ózbekstandyq áıel ustaldy
ALMATY. 22 jeltoqsan. QazAqparat /Erlik Erjanuly/ -Almatyda Ózbekstanda jeńgetaılyq bıznesin bastap, ony endi Qazaqstanda órkendetip júrgen kórshi eldiń Rasıma esimdi 31 jastaǵy bir azamatshysy áshkerelendi.
Onyń qoıyn dápterinen jezóksheler ordasynda qyzmet etken qyzdardyń esimderi, olardyń klıentterge kórsetken «qyzmeti» úshin alǵan aqshalarynyń kólemi men ár kelisimnen túsken jeńgetaıdyń úlesteri jazylǵan.
«Bul kitapshada kezinde onyń «qamqorlyq jasaýymen» jumys istegen barlyq jeńil júristi boıjetkenderdiń turǵylyqty meken-jaılary týraly málimetter de bar eken. Bizdegi jedel maǵlumattar boıynsha, bul áıel jalǵa alynǵan jekemenshik úıde jezókshelikpen aınalysý úshin prıton uıymdastyrǵan. Jeńil júristi birneshe boıjetken onymen birge turyp, sol jerde klıentterge qyzmet kórsetken»,- deıdi Almaty qalasy Іshki ister deparamentiniń Uıymdasqan qylmysqa qarsy kúres basqarmasynyń Adam saýdasymen kúres bóliminiń bastyǵy Tańat Nazanov. Rasımanyń qylmystyq kásibin baqylaǵan jedel ýákilderdiń málimeti boıynsha, ol jeńgetaılyq bıznesti kásip etkeninine biraz ýaqyt bolǵan. Ońaı oljaǵa kenelýdi oılaǵan ol óz Otanynda bastaǵan bul kásibin Almatyda jandandyryp, paıdaǵa kenelmekshi bolǵan. Jedel ýákilder jeńgetaıdy kezekti adam saýdasy ústinde, ıaǵnı jezóksheler úshin qolma-qol aqsha alyp jatqan jerinde quryqtady. Ózbekstandyq áriptestermen baılanysqan tártip saqshylary sondaı-aq, Rasımanyń buryn qylmystyq jaýapkershilikke tartylmaǵanyn, turaqty jumysy joq ekendigin anyqtady. Almatyda kóshi-qon zańdaryn óreskel buzǵan kúdikti azamatshanyń ústinen jezókshelikpen aınalysýǵa májbúrleý jáne adamdy bas bostandyǵynan zańsyz aıyrý faktisi boıynsha tekserý jumystaryn júrgizýde.
