Almatyda jezóksheler qyzmet kórsetetin úsh massaj salony anyqtaldy
ALMATY. QazAqparat - Almatyda jezóksheler qyzmet kórsetken úsh massaj salony anyqtalyp, joıyldy, dep habarlaıdy QazAqparat tilshisi.
Polıtsııa departamentiniń málimeti boıynsha, olar Bostandyq jáne Medeý aýdandarynda ornalasqan.
Almaty qalasy PD krımınaldyq polıtsııa basqarmasynyń bastyǵy Qýatbek Naýatovtyń aıtýynsha, ıntım-salondar kottedjderde ornalasqan jáne oǵan kelýshiler saýnaǵa, spa-ortalyqtaryna bara alady.
«Úsh nysanda jezókshelikpen aınalysqan 20 áıel jáne úsh ákimshi ustaldy. Salon jumysshylarynyń ekeýi Ózbekstan jáne Reseı Federatsııasynyń týmasy, taǵy bireýi – Qyrǵyzstan Respýblıkasynyń azamaty. Olar qalalyq Polıtsııa departamentine jetkizildi. Jezókshelik pen ony uıymdastyrýǵa oryn bergen ǵımarat ıelerine de shara qoldanyldy», - dedi Almaty qalalyq PD Krımınaldyq polıtsııa basqarmasynyń bastyǵy Qýatbek Naýatov.
