Almatyda jetkizý servısi túngi 10-ǵa deıin jumys isteıtin bolady
ALMATY. QazAqparat – Almatyda azyq-túlik, taýar jetkizý servısi jańa rejim aıasynda tańǵy 9 ben keshki 22:00 aralyǵynda jumys isteıdi. Bul týraly Óńirlik kommýnıkatsııalar qyzmetinde onlaın brıfıng barysynda qala ákimi Baqytjan Saǵyntaev aıtty, dep habarlaıdy QazAqparat tilshisi.
«Qalada qoǵamdyq kólik tańǵy 06:00 men 19:00 aralyǵynda jumys isteıtin bolady. Azyq-túlik, dári-dármek, birinshi qajettiliktegi taýarlardy jetkizý servısi 09:00-22:00 aralyǵynda isteıdi. Barlyq uıymdar men kásiporyndardyń qyzmetkerleriniń sanıtarlyq qorǵanys quraldary kúsheıtiletin bolady.
Bul kúnderi árqaısymyz ortaq maqsat jolynda jeke de, ujymdasyp ta azamattyq belsendiligimiz ben joǵary jaýapkershiligimizdi kórsete bilgenimiz abzal.
«Biz jeke gıgıena sharalaryn saqtaý men oqshaýlaný arqyly koronavırýs ınfektsııasynyń taralýyn tejeı alamyz», - dedi qala ákimi.
