Almatyda jetisýlyqtardyń aýylsharýashylyq jərmeńkesi ótýde
TALDYQORǴAN.QazAqparat - Búgin Almaty qalasynda Almaty oblysynyń 16 aýdany men 3 qalasynyń jáne «Jetisý» ÁKK qatysýymen kúzdiń alǵashqy aýylsharýashylyq ónimderiniń jármeńkesi ótýde. Jetisýlyq aýylsharýashylyq ónimderin óndirýshiler 360 tonnadan astam sapaly ári ekologııalyq taza ónimderin naryq baǵasynan tómen baǵada usynýda, - dep habarlaıdy QazAqparat tilshisi.
Jalpy Almatyǵa ónimniń 48-den astam túri jetkizildi. Sonyń ishinde jalpy quny 180,1 mln. teńgeni quraıtyn 34,4 tonna et, 16,8 tonna sút ónimderi, 102,1 tonna kókónis, 11,8 tonna balyq, 36 tonna jemis-jıdek, 40,9 tonna kartop pen 115 tonna ózge de ónimder bar.
Osy kúni qala turǵyndarynyń nazaryna oblystyń óner ujymdarynyń daıyndaǵan kontserttik baǵdarlamasy da usynylmaq.
Jármeńke Jibek joly kóshesinde (Jeltoqsan - Naýryzbaı batyr kósheleriniń qıylysy) saǵat 07.00-de bastaldy.
