Almatyda «Jetisý jaýyngerleri» kásipqoı boks keshi ótedi

ALMATY. QazAqparat – 12 qazan kúni Almaty qalasynda «Jetisý jaýyngerleri» kásipqoı boks keshi ótedi dep habarlaıdy QazAqpart tilshisi.

Kásipqoı boks keshi MTK Global promoýterlik kompanııasynyń uıymdastyrýymen Almatydaǵy Grand Park saýda ortalyǵynda ótedi. Sondaı-aq, Edil Qojamberdıev (8-2,8KO), Ábilhaıyr Shegalıev (6-0,4KO), Nurtas Ajbenov (6-0,2KO) jáne Elshat Nyǵmetolla (14-0-1,5KO) syndy qazaqstandyq boksshylar sharshy alańǵa shyǵady.

Aıta keteıik, jekpe-jek áýelde Aqtóbe qalasynda ótedi dep josparlanǵan edi. Alaıda, belgili sebepterge baılanysty MTK Qazaqstan promoýterlik kompanııasy boks keshin Almatyǵa aýystyrǵanyn habarlady.

Boks keshin qazaqstandyq jankúıerler otandyq Qazsport telearnasynan tamashalaı alady.