Almatyda «Jetisý» qonaqúıindegi órt sóndirildi

Órt saǵat 21.38-de tolyq sóndirildi, odan eshkim zardap shekken joq, dep habarlaıdy «QazAqparat» halyqaralyq aqparat agenttigi QR ІІM TJK-nyń resmı ókili Rýslan Imanqulovqa silteme jasaı otyryp. Qazir ǵımaratty sútine qaıtalaı sý tógilýde. Ol qalyp qoıǵan shoqtardyń tutanýyn boldyrmaý úshin jasalady.

Buǵan deıin qaıta qalpyna keltirilip jatqan qonaqúıde 130 órt sóndirýshi alapat ótti sóndirýge jumyldyrylǵany habarlanǵan edi. QR ІІM TJK-nyń resmı ókili Rýslan Imanqulov málimdeýinshe saǵat 19.42-de Almaly aýdanynyń Abylaı han dańǵylyndaǵy 55 mekenjaıdaǵy «Jetisý» qonaq úıi (qaıta qalpyna keltirilýde) shatyry órtene bastaǵan.

«Ǵımarattan 70 jumysshy, onyń janyndaǵy dámhanadag 50 adam syrtqa shyqty. Órt saǵat 20.52-de oqshaýlandy.  Qazir jalyn 3500 sharshy metr aýmaqty sharpyǵan (ǵımarattyń aýdany 5600 sharshy metr). Oqys oqıǵadan eshkim zardap shekpedi», - dedi TJK-nyń resmı ókili.

Jalynda óshirýge Almaty qalalyq TJD-nyń Órt sóndirý jáne avarııalyq qutqarý qyzmetiniń 28 tehnıkasy jumyldyrylǵan.