Almatyda «Jetisý» bazary órtendi
ALMATY. QazAqparat- Almatydaǵy «Jetisý» bazarynda konteınerler órtendi, dep habarlaıdy QazAqpart tilshisi.
Almaty qalalyq tótenshe jaǵdaılar departamentiniń málimetinshe, 18 sáýir keshki saǵat 19:10 shamasynda órt sóndirýshiler Jetisý aýdany Qaırat shaǵynaýdany, Qulja tasjoly 181 mekenjaıyna joǵary dárejedegi shaqyrtýǵa shyqty.
«Belgili bolǵanyndaı Jetisý bazarynda konteınerler órtendi. Qarbalas ýaqyttaǵy kólik keptelisine qaramastan órt sóndirý brıgadasy oqıǵa ornyna der kezinde 19:19 da jetti. Órtti sóndirýge jáne kórshi konteınerlerin qorǵaýǵa oqpandar engizilip, avtotsısternalar gıdranttarǵa ornatylyp, úzdiksiz sý berý qamtamasyz etildi. Órtti sóndirý jumystary beınebaqylaý júıesiniń kameralary arqyly baqylandy» ,- dep habarlady vedomstvodan.
Órt sóndirýshiler 20:01 mınýtta 120 sharshy metr aýmaqtaǵy qyzyl jalyndy sóndirdi. Osylaısha, órtten myń sharshy metr jerdi qamtıtyn kórshiles materıaldyq qundylyqtarymen toly konteınerler órtten aman alyp qaldy.
