Almatyda jerge kómilgen qarý-jaraq pen oq-dáriler tabyldy
Almaty qalalyq polıtsııa departamentinen habarlaǵandaı, Polıtsııa departamentiniń ekstremızmge qarsy is-qımyl basqarmasynyń qyzmetkerlerine qarý-jaraq jasyrylǵan oryn belgili boldy.
QR Ulttyq qaýipsizdik komıteti departamentiniń qyzmetkerlerimen birlesken jedel tekseris barysynda, Saharıev kóshesiniń mańynda jyraǵa qaraı túserde, aǵashtardyń arasynan aq qapshyqqa salynǵan qarý-jaraq pen oq-dáriler tabyldy.
Polıtsııa qyzmetkerleri 12 kalıbrli tegis uńǵyly 2 myltyq, 12 kalıbrli tegis uńǵyly «Makarov» tapanshasy, «Fort 17T» markaly travmatıkalyq tapansha, RGD – 5 granatalary, 13 dana 12 kalıbrli patrondar, 9 mm patrondar – 15 dana, qýattandyrǵyshy bar «Kirisun» ratsııasyn tárkiledi.
«Barlyq tárkilengen zattar saraptamaǵa jiberildi. Atalǵan derek Medeý aýdandyq polıtsııa basqarmasynda QR Qylmystyq kodeksiniń 287- babynyń 3-bóligi boıynsha tirkeldi. Barlyq tergeý áreketteri júrgizilgen soń, arsenaldyń kimdiki jáne qaıdan shyqqany belgili bolady»,- dep habarlady polıtsııada.
