Almatyda jerasty týnnelderi salynbaq
ALMATY. QazAqparat - Almatyda jerasty týnnelderin salý tıimdi. Bul týraly Almaty qalasy Sáýlet jáne qala qurylysy basqarma basshysynyń orynbasary Ahmedjanov Almashan aıtty, dep habarlaıdy QazAqparat tilshisi.
Basqarma basshysynyń orynbasary Ahmedjanov Almashan týnnel salýdyń qymbat bolǵanmen, jol jóndeýge arnalǵan qarajattyń qysqarýyna sep bolatynyn basa aıtty.
«Bizdiń joba, bizdiń usynys - qalada keshendi týnnelderdiń shemasyn qurý. Týnnel - qubyr jelisi men kabeldiń uzaq paıdalanýyna kepildik beredi. 2-3 jyl saıyn asfalttaýǵa kóp shyǵyn shyǵarmaı, kapıtaldyq joldardy jasaýǵa múmkindik ashady»,- dedi Almashan Ahmedjanov.
Onyń aıtýynsha, bir týnneldi salý úshin sol joldyń 5 jyldyq qarajaty ketýi múmkin.
«Biz ınjenerlik kommýnıkatsııalardyń qaıta salýyna kóp aqsha qurtamyz. Týnneldi salǵan kezde joldyń astynan barlyq ınjenerlik toraptardy qyzyl syzyqtyn ar jaǵyna jiberý kerek. Jolmen qyzyl syzyqtyn arasy - 8 metr. Biraq bul jerde basqa problema bar. Jerasty sýlaryna baılanysty aǵashtar jol boıynda 2 qatar otyrǵyzylǵan. Sondyqtan biz bir ret asfaltty ashyp, ol jaqqa týnneldy salyp, torlardy basqa jerge qoıýdy usynýdamyz»,- dedi ol.
Almashan Ahmedjanov týnnelder jaıly ıdeıasyn qala ákimi Baýyrjan Baıbekke aıtqan. Qala ákimi onyń ıdeıasyn qoldap, júzege asyrý qajettigin eskertken.
Ahmedjanovtyń aıtýynsha, týnnelderdiń ishinde vıdeokameralar ornatylsa, avtomatty túrde olardyń jaǵdaıyn baqylap otyrýǵa bolady.
