Almatyda jerasty ótkelinde qyz zorlaǵan kúdikti bir aıdan keıin ustaldy
ALMATY. QazAqparat - Almatyda qyzdy jerasty ótkelinde zorlaǵan er adam bir aı ótken soń ustaldy, dep habarlaıdy QazAqparat tilshisi.
Polıtsııa departamentiniń habarlaýynsha, túnde qyz úıine qaıtyp kele jatqan. Raıymbek dańǵyly men ıAssaýı kóshesiniń batysynda bir er adam qyzdan telefon suraǵan.
Telefony joq ekenin aıtqan qyz jedeldetip jerasty jolymen ketip bara jatqanda álgi adam ony qýyp jetip, býyndyryp, qyz chol jerde esinen tanyp qalǵan.
«Qaskúnem qyzdy jerasty ótkelinde baıqap, ony taldyryp qulatyp, ony adam az júretin jerge súırep aparyp, qorlady. Osy qylmysty ashý úshin arnaıy tergeý-jedel toby quryldy. Jábirlenýshiniń aıtýynsha, shamamen sýrettiń eskızi jasalǵan. Qarańǵyda bet-álpetin baıqap, onyń minez-qulyq erekshelikterin este saqtaý múmkin emes ekeni túsinikti. Biraq qyz tergeýge osy qylmystyń ashylýynda mańyzdy ról atqaratyn mańyzdy aqparatty usyndy. Jaqynda kúdikti ustaldy», - deıdi Áýezov aýdandyq polıtsııa basqarmasynyń basshysy Álisher Tursynbetov.
39 jastaǵy kúdikti Almatyda turaqty jumysy jáne turǵylyqty jeri joq, kezdeısoq paıda tabýmen kún kórip kelgen.
Kúdikti óz kinásin tolyq moıyndady, sol kezde ol mas bolǵanyn aıtty.
Qazir ol qamaýǵa alyndy. QR Qylmystyq kodeksiniń 120-baby boıynsha qylmystyq is qozǵaldy.
