Almatyda jer úıden órt shyqty
ALMATY. QazAqparat – Almatyda jeke menshik sektorda órt boldy, dep habarlaıdy QazAqparat tilshisi.
Almaty qalalyq Tótenshe jaǵdaılar departamentiniń málimetinshe, órt búgin Tóretaı 167 mekenjaıynda boldy.
«Saǵat shamamen 10:58 -de órtsóndirýshiler shaqyrtýǵa shyqty. Olar kelgende jalpy alańy 100 sharshy metr aýmaǵynda sharýashylyq qurylysy janyp jatqany belgili boldy. Qyzyl jalyn japsarlas ornalasqan jekemenshik úıdiń shatyryna kóshken. Órtsóndirýshiler qaýipsizdik tehnıkasyn saqtaı otyryp áreket etti», - dep habarlady vedomstvonyń baspasóz qyzmeti.
Oqıǵa ornynda 6 birlik tehnıka men 26 adam jumyldyryldy.Órt saǵat 28 mınýtta aýyzdyqtalyp, 11:30-da sóndirildi. Qaza bolǵandar men zardap shekkender joq.
