Almatyda jer úıde bolǵan órtte 5 adam qaza tapty, 4-eýi aýrýhanaǵa tústi
TANA. 17 qazan. QazAqparat - Búgin Almatydaǵy jekemenshik turǵyn úılerdiń birinde 5 adamnyń ómirin jalmaǵan iri órt boldy.
Bul týraly QR TJM-nan habarlady.
Qutqarýshylardyń málimetinshe, órt búgin, saǵat 4-ten 14 mınýt ketkende Almaly aýdanyndaǵy úsh otbasyǵa arnalǵan jer úıde boldy. Aldyn ala boljam boıynsha, úıdiń ishinen shyqqan jalyn aýladaǵy sharýashylyq qurylystarǵa kóshken. Órtke oranǵan jalpy aýmaq 200 sharshy metrdi qurady.
QR TJM Almaty qalasy boıynsha TJD órtke qarsy qyzmetiniń 22 adamy men 6 tehnıkasy tilsiz jaýmen bir saǵat boıy kúresti. Otty sóndirý barysynda 5 adamnyń máıiti tabyldy. Qazir olardyń tulǵalary anyqtalý ústinde. Taǵy 4 adam, sonyń ishinde 4 jasar bala aýrýhanaǵa jetkizildi.
