Almatyda jer úıde bolǵan órt 8 adamnyń ómirin qıyp ketti - QR TJM
TANA. 18 qazan. QazAqparat - Almaty qalasynda jer úıde bolǵan órtte 8 adam ajal qushty. Bul týraly QR TJM-nyń baspasóz qyzmetinen habarlady.
Eske sala ketsek, 17 qazan kúni tańerteńgi saǵat 4 shamasynda Almatynyń «Almaly» aýdanyndaǵy úsh otbasyǵa arnalǵan jekemenshik turǵyn úıden órt shyǵyp, úıden sharýashylyq qurylystarǵa jaıylǵan jalyn 200 sharshy metr aýmaqty sharpydy. Qutqarýshylar buǵan deıin 6 kisiniń ólimi týraly habarlaǵan bolatyn.
QR TJM-nan búgin anyqtaǵandaı, órtti sóndirý barysynda 8 adamnyń máıiti tabyldy. Olardyń tulǵalary anyqtalý ústinde. Taǵy 4 adam, sonyń ishinde 4 jasar bala aýrahanaǵa jetkizildi.
QR TJM Almaty qalasy boıynsha TJD órtke qarsy qyzmetiniń 22 adamy men 6 tehnıkasy tilsiz jaýmen bir saǵat boıy kúresti.
