Almatyda jer úı órtendi
ALMATY. QazAqparat – Almatyda jekemenshik sektordaǵy úı órtendi, dep habarlaıdy QazAqparat tilshisi.
Almaty qalalyq Tótenshe jaǵdaılar departamentiniń málimetinshe, órt búgin 10:07-de bolǵan. «13 qyrkúıek kúni saǵat 10:07-de Medeý aýdanynda Sabyr Sháripov kóshesindegi órt shyqqan 34-úıge órt sóndirýshiler jóneltildi. Órt sóndirýshiler oqıǵa ornynda 5 mınýtta boldy. 40 sharshy metr aýmaqta jekemenshik úı men japsarlas ornalasqan ǵımarattyń janyp jatqanyn anyqtady», - dep habarlady vedomstvonyń baspasóz qyzmeti.
Dereý órt oqpandary iske qosylyp, avtotsısterna gıdrantqa 60 metr qashyqta ornatyldy. Órt saǵat 10:16- da aýyzdyqtalyp, 10:22-de sóndirildi. Oqys oqıǵadana eshkim zardap shekpedi. Qazir mamandar órttiń shyǵý sebebin anyqtap jatyr.
