Almatyda jer ústi ótkelin jóndep jatqan kran men jeńil kólik soqtyǵysty
ALMATY.QazAqparat - Almatyda Volkswagen kóligi jer ústi ótkelin jóndep jatqan avtokranmen soqtyǵysty, dep habarlaıdy QazAqparat.
Jol-kólik apaty Ál-Farabı kóshesi boıynda batys baǵytqa bastaıtyn jolda bolǵan. Vodozabornaıa kóshesinde kópir jóndeý jumystary kezinde avtokrandy Volkswagen kóligi kelip soqqan. Boljam boıynsha jeńil kólik júrgizýshisi júk kótergish kólikti baıqamaǵan. Oqıǵadan eshkim zardap shekken joq. Dál qazir bul kóshede kólik keptelisi bastaldy.
