Almatyda jer ýchaskesiniń nysanaly maqsatyn qalaı ózgertýge bolady
«Jer ýchaskesiniń árbir menshik ıesi onyń maqsatyn ózgertýge quqyly. Atalǵan memlekettik qyzmet QR Jer kodeksiniń 49-1 babymen jáne «Jer ýchaskesiniń nysanaly maqsatyn ózgertýge sheshim berý» memlekettik qyzmet kórsetý qaǵıdalarymen retteledi. Qyzmet tegin. Ótinimdi elektrondy portal arqyly berýge bolady. Ol úshin jer ýchaskesiniń kadastrlyq nómirin, jer ýchaskesiniń suratylǵan nysanaly maqsatyn, jer ýchaskesiniń alańyn, ýchaskege quqyq belgileıtin jáne sáıkestendirý qujattarynyń nómiri men kúnin jáne bıýdjet kirisine tóleý qajet bolǵan jaǵdaıda, jer ýchaskesiniń kadastrlyq (baǵalaý) qunynyń elektrondyq aktisiniń kóshirmesin kórsetý qajet»,- dep málim etti basqarmada.
Ótinish berýshi ótinish bergen soń, habarlama alady. Onda jer ýchaskesiniń nysanaly maqsatyna ózgertý nemese odan bas tartý máselesi boıynsha sheshimdi alǵan kúni kórsetiledi.
Ótinishti qaraý kezinde memlekettik organdar jer ýchaskesin qalany damytýdyń Bas josparyna jáne aýdandy egjeı-tegjeıli josparlaý josparyna sáıkes suratylǵan maqsaty boıynsha paıdalaný múmkindigin aıqyndaıdy.
Jer qatynastary basqarmasy shaǵyn nemese orta kásipkerlik sýbektilerine olardyń ótinishteri boıynsha jer ýchaskesiniń nysanaly maqsatyn ózgertkeni úshin tólemdi 10 jylǵa deıingi merzimge bólip tóleý beriletinin habarlady.
«Elektrondyq qaýlyny elektrondyq portaldyń jeke kabınetinen júkteýge bolady. Qaýlynyń túpnusqasyn (qaǵaz túrinde) basqarmanyń keńsesinen myna mekenjaı boıynsha alýǵa bolady: Abaı dańǵyly 90 (Almaty bas jospary ǵımaraty), 1-qabat. Barlyq suraqtar boıynsha 229-21-82 nómirine habarlasyńyz», - dep habarlady qalalyq jer qatynastary basqarmasynda.
