Almatyda jer telimderin zańsyz satqan alaıaq ustaldy
ALMATY. QazAqparat - Almatynyń Túrkisib aýdanynda alaıaqtyq jasady degen kúdikpen 39 jastaǵy er adam ustaldy, dep habarlaıdy QazAqparat tilshisi.
Qalalyq ІІD baspasóz qyzmetiniń habarlaýynsha, kúdikti Túrkisib aýdany Qaırat aýylyndaǵy ózine tıesili emes jerlerdi satý maqsatynda zańsyz kelisimder jasasqan.
«Kúdiktiniń sózine qaraǵanda, ol ákesine tıesili bolǵan 12 jáne 8 sotyq jer teliminiń qujattaryn taýyp alyp satpaq bolǵan. Biraq, satyp alýshylarǵa basqa jerlerdiń qujattaryn kórsetken. Fakt boıynsha, qazirgi ýaqytta ol jer telimideri ózge adamdarǵa berilgen. Ony kúdiktiniń bilmeýi múmkin emes. Kelisim jasasa otyryp ol, satyp alýshynyń aqshasyn alyp, qujattardy resimdeýdi ýaqytynyń joqtyǵyna silteı otyryp sozyp kelgen. Ókinishtisi, satyp alýshylar, qujattardyń durystyǵyna kóz jetkizbesten qomaqty qarajattaryn bergen», - dedi Túrkisib aýdany ІІB basshysy, podpolkovnık Jasulan Turysbaev.
Qazirgi ýaqytta kúdikti qamaýǵa alyndy. Qazir ol kinásin moıyndap, keltirgen shyǵyndy qaıtaryp beretinin aıtyp otyr.
Oqıǵa boıynsha QR QK 190-babyna sáıkes qylmystyq is qozǵaldy. Qazirgi ýaqytta polıtsııa naqty shyǵyn somasyn anyqtaý ústinde. Sonymen qatar, kúdiktiniń ózge de qylmystarǵa qatystylyǵy tekserilip jatyr.
Polıtsııa osy iske baılanysty 298-54-00, 298-54-01 nómirlerine habarlasýdy suraıdy.
