Almatyda jer telimderin satyp alýǵa bıýdjetten 500 mln. teńge bólindi
«Almaty qalasynyń bas josparyna sáıkes soltústik baǵyttaǵy negizgi magıstraldardaǵy júktemeni tómendetý maqsatynda Almaty qalasynyń ákimdigi tarapynan Seıfýllın men Jansúgirov kósheleri qıylysynda kólik jol aıyryǵyn salý týraly sheshim qabyldandy», - delingen Almaty qalasy ákimdiginiń baspasóz qyzmeti taratqan aqparatta.
Kólik jol aıyryǵyn salý josparlanǵan aýdanda 259 jer telimi bar, olardy satyp alý kezeń-kezeńimen júzege asyrylatyn bolady.
«2017 jyldyń 6 naýryzynda Almaty qalalyq jer qatynastary basqarmasymen menshik ıelerine Almaty qalasy ákimdiginiń qaýlysy qabyldanǵandyǵy týraly eskertý men jer telimderin satyp alý kelisimshartynyń jobasy jiberildi. Atalǵan kelisimshart jobasynda kórsetilgen ótemaqy somasy Qazaqstan Respýblıkasynyń «Memlekettik múlik týraly» zańynyń talaptaryna tolyqtaı sáıkes keledi», - dep atap ótedi ákimdikten.
Sonymen qatar ákimdik taratqan aqparatta kelisimshart jobasynda kórsetilgen ótemaqy somasy sońǵy usynys emestigi habarlanǵan.
«2017 jylǵa arnalǵan respýblıkalyq bıýdjetti naqtylaý aıasynda jer telimderin satyp alýǵa 500 mln. teńge mólsherinde qarjy qarastyrylǵan. Atalǵan soma aldyn ala bekitilip otyrǵan qarjy jáne jer telimderin alý jáne ótemaqynyń naqty somasyn aıqyndaý protsedýrasy, onyń ishinde sot tártibimen de aıaqtalǵannan keıin bıýdjet qarjysy ótemaqynyń naqty somasyna sáıkes túzetiletin bolady», - dep naqtylady ákimdikten.
