Almatyda jer silkiný qaýpi týyndaǵan jaǵdaıda halyqty qulaqtandyrý boıynsha seısmojattyǵý ótkiziledi
ANA. 23 mamyr. QazAqparat /Gúlmıra Álıakparova/ - 2011 jyldyń 24 mamyrynda Almaty qalasy boıynsha Tótenshe jaǵdaılar departamenti jer silkiný qaýpi týyndaǵan jaǵdaıda halyqty qulaqtandyrý boıynsha seısmojattyǵý ótkizedi.
Bul týraly QR Tótenshe jaǵdaılar mınıstrliginen habarlady.
Elektrosırenalar men úsh baǵdarlamalyq habar taratatyn radıotranslıatsııalyq torab arqyly: «Barlyqtaryńyzdyń nazaryńyzǵa! Almaty qalasynda seısmojattyǵý ótkizilip jatyr. Qala turǵyndaryn jer silkinisi qaýpi týyndaǵan jaǵdaıda is-áreketter qoldanýdy suraımyz. Dabyl oqytý maqsatta berildi», - mátindegi dabyldar beriletin bolady.
Kún saıyn táýligine úsh ret - saǵat 11.00, 16.00 jáne 20.00-de radıotranslıatsııalyq torab arqyly aldaǵy seısmojattyǵý týraly habarlanyp turatyn bolady. Sondaı-aq seısmojattyǵý týraly aqparat barlyq BAQ-ǵa taratyldy.
Almaty qalasy boıynsha TJD turǵyndar men qala qonaqtaryn sabyrlylyq tanytyp, seısmojattyǵýdy ótkizýge belsendi qatysýǵa shaqyrdy.
Onymen birge, 20 mamyrdan bastap Almaty qalasy boıynsha TJD zilzala kezinde qoldanylatyn is-qımyldardy pysyqtaý maqsatynda nysandarda oqýlar ótkizip jatyr. Onyń barysynda Departamenttiń mamandary ınstrýktorlyq-ádistemelik usynystar jasap, ǵımarattardan evakýatsııa jasaý josparlarynyń syzbalaryn pysyqtaýda.
