Almatyda jer silkinisiniń oshaǵy qaladan 5 shaqyrym qashyqta bolǵan

ALMATY. QazAqparat – Almatyda bolǵan jerasty dúmpýiniń oshaǵy qaladan 5 shaqyrym qashyqta bolǵan. Bul týraly QR Bilim jáne ǵylym mınıstrligi ǴM ǴK «Seısmologııalyq tájirıbe ádistemelik ekspedıtsııasy» JShS habarlady.

Stansanyń málimdeýinshe, jer silkinisi túski 15:06:17 ýaqytta tirkelgen.

Jer silkinisiniń oshaǵy Almaty qalasynan soltústikke qaraı 5 shaqyrym qashyqta ornalasqan.

Jer silkinisiniń energetıkalyq klasy 8,5, magnıtýdasy – 3,7.

Jerasty dúmpýi 15 kılometr tereńdikte bolǵan.

Qala turǵyndaryna 2-3 ball kóleminde sezildi.

Qalalyq TJD jergilikti atqarý organdary, prokýratýra, «Qazseldenqorǵaý» MKK, basqa da uıymdarǵa shuǵyl habarlandyrý jiberdi.