Almatyda jer silkinisi bolsa, qutqarý jumystary qalaı júrgizilmek
Seısmıkalyq jattyǵýdyń negizgi maqsaty qala turǵyndarynyń tótenshe jaǵdaılarda durys is-áreketke daıyndyq deńgeıin arttyrý. Osylaısha turǵyndar evakýatsııa marshrýttaryn, qaýipsiz oryndardy aldyn-ala anyqtap, dabyl chemodandaryn daıyndaý qajet. Qaýipsiz oryndar, bul elektr jelileri men ǵımarattardan alys ashyq alańdar.
Oqý-jattyǵý sharasynyń jospary boıynsha qalada qatty jer silkinisi boldy. Sonyń saldarynan kúrdeli jaǵdaı týyndady, ǵımarattar qırap, órt shyǵyp, basqa da túrli apattar oryn aldy. Halyqty habardar etý úshin «Dármen» mobıldi qosymshasy arqyly dabyl iske qosylyp, teleradıo arnalary arqyly habarlama tarady.
«ADK» saýda - oıyn-saýyq kesheniniń turaǵynda dalada qurylatyn ashanasy bar shatyrly lager ornalastyryldy, qalalyq azamattyq qorǵaý qyzmetteri men TJM bólimsheleriniń qutqarý jáne arnaıy tehnıkasy kórsetildi, is júzinde jer silkinisiniń mobıldi sımýlıatory kórsetildi, alǵashqy kómek kórsetý boıynsha túrli sheberlik master klasstary ótkizildi. Jaqyn jerde ornalasqan qoıma ǵımaraty TJ kezinde adamdardy qutqarý jáne evakýatsııalaý boıynsha is-qımyldardy pysyqtady.
Qalanyń qalǵan 6 jattyǵý ornynda: Bostandyq jáne Túrksib aýdandarynyń gımnazııalarynda baspanasyz qalǵan adamdardy qabyldaý pýnktteri ornalastyryldy, Almaty-1 TJ stantsııasynan avtomobıl jáne temirjol kóliginde halyqty evakýatsııalaý elementteri pysyqtaldy. «Kaspıan Bevereıdj Holdıng» AQ hımııalyq obektisiniń bazasynda ammıak tógilýimen baılanysty tehnogendik sıpattaǵy TJ joıý boıynsha is-qımyldar pysyqtaldy.
Almaty oblysy Ótegen Batyr kentindegi Jetisý temirjol stantsııasynda basqa óńirlerden kómekke keletin tehnıka túsirildi. Jalpy qalalyq seısmıkalyq jattyǵýǵa jeke quramnyń 900-den astam adamy jáne azamattyq qorǵaý qyzmetiniń 80 tehnıkasy tartyldy, sondaı-aq qalanyń saýda- oıyn saýyq ortalyqtary men áleýmettik nysandar qatysty. Almaty qalasynyń aýmaǵynda seısmıkalyq qaýipsizdikti qamtamasyz etý boıynsha is-sharalar júıeli túrde júrgiziledi. Jyl basynan beri qalanyń barlyq áleýmettik nysandarynda 3,5 myńnan astam seısmıkalyq jattyǵý uıymdastyryldy. Jer silkinisinen keıin halyqqa kómek kórsetý maqsatynda qala aýmaǵynda zardap shekken halyqty qabyldaıtyn 384 pýnkt quryldy. Sonymen qatar Almaty qalasynda Táýelsiz memleketter dostastyǵy arasynda jer silkinisi týraly avtomattandyrylǵan erte habardar etý júıesi alǵash ret engizildi. Ol DARMEN mobıldi qosymshasymen ıntegratsııalanǵan.
Sondaı-aq 4 jáne odan da kóp balldyq jer silkinisi kezinde qosymshany júktep alǵan paıdalanýshylardyń smartfondaryna Push-habarlamalar avtomatty rejımde túsedi.
Júıeni odan ári damytý úshin taǵy 28 stantsııa ornatylady, bıyl birinshi kezeńdi iske asyrý aıaqtalady - 11 stantsııa ornatyldy, ekinshi kezeń 2023 jyly 17 stantsııa iske qosylady.
Eske salsaq, ǵalymdar Almatyda jyl sońyna deıin qýatty jer silkinisteri bolmaıtynyna boljam jasady.
