Almatyda «jer satyp» eldi aldaǵan alaıaq sottaldy
ALMATY. QazAqparat - Áýezov aýdandyq sotynda adamdarǵa jer alyp beremin dep aldap soqqan Almaty turǵynynyń isi qaraldy, dep habarlaıdy QazAqparat tilshisi qalalyq sottyń baspasóz qyzmetine silteme jasap.
Sot barysynda sottalýshy óz kinásin tolyǵymen moıyndady.
Іs materıaldaryna sáıkes, sottalýshy 2017 jyldyń tamyzynda tanystarynyń biriniń senimine kirip, Іle aýdany Ótegen batyr aýylyndaǵy 8 sotyq jerdi 600 myń teńgege satyp alýǵa ıtermelegen. Aqshany alyp alǵan soń er adam izin sýytqan.
2017 jyldyń jeltoqsanynda ol taǵy bir tanysyna «Bolashaq» baǵdarlamasy boıynsha kezegin jyljytyp beremin dep 950 myń teńgesin qoldy etken.
Birneshe aptadan soń kompıýterlik klýbta taǵy bir adammen tanysyp, oǵan joǵaryda aıtylǵan jer ýchaskesin 500 myń teńgege satqan.
Osylaısha, olarǵa keltirilgen shyǵyn kólemi 2 mln teńgeden asty.
«Sot sheshimimen sottalýshy QR QK 190-babynyń 2-bólimimen aıypty dep tanyldy. Er adam 2 jylǵa bas bostandyǵynan aıyryldy», - dedi baspasóz qyzmetinen.
