Almatyda jer oıylyp, qutqarý qyzmetiniń kóligi shuńqyrǵa túsip ketti
ALMATY. QazAqparat - Almaty ortalyǵynda jer opyrylyp, qutqarý qyzmetiniń kóligi túsip ketti, dep habarlaıdy QazAqparat tilshisi.
Oqıǵa bolǵan jerde túsirilgen sýretter Instagram álýmettik jelisinde paıda boldy.
Qutqarý qyzmetiniń málimeti boıynsha, 30 sáýirde 109 ekıpajy Nazarbaev dańǵyly 124 mekenjaıyndaǵy úı balkony men qalqanyna qaýip týdyratyn butaqtardy kesý úshin shaqyrtý alǵan.
«Shaqyrtý ornyna jetkende, 109 Qyzmet kórsetý bólimine tıesili avto-gıdravlıkalyq kótergishtiń oń jaq artqy dóńgelegi jer astyna túsip ketti. Ol jer jazda sýburqaq retinde paıdalanylǵan. Oǵan qaramastan, avtokólik shuńqyrdan shyǵarylyp, qutqarýshylar ekıpajy apat jaǵdaıyn týdyrǵan butaqtardy kesý jumystaryn aıaqtady. Oqıǵa bolǵan jerge polıtsııa qyzmetkerleri men Almaty qalasy Jasyl ekonomıka basqarmasynyń mamandary shaqyryldy», - dep habarlady vedomstvodan.
