Almatyda jer qatynastary, sáýlet jáne qala qurylysy basqarmalarynyń esebine depýtattyq tyńdaý ótýde
ALMATY. Maýsymnyń 26-sy. QazAqparat /Erlik Erjanuly/ - «Almaty qala qurylysy kadastry» memlekettik kommýnaldyq kásiporny alǵashqy jartyjyldyqta 328 mıllıon 414 myń teńgeniń jobalyq-josparlaý jumysyn jasady. Bul búgin Almatyda 4-shi shaqyrylǵan qalalyq máslıhattyń depýtattyq tyńdaýynda aıtyldy,
dep habarlaıdy QazAqparat.
Sáýlet jáne qala qurylysy basqarmasynyń bastyǵy Saıran Fazylovtyń aıtýynsha, Alataý aýdanyndaǵy jer telimderin rásimdeý sharasy júrip jatyr. Qazirgi tańda óz betimen salyp alǵan turǵyn úılerge 3130 jer telimine oń sheshim shyǵaryldy. Túrkisib aýdanyndaǵy jumys tobymen birge «Jas qanat» (Baqaı) yqsham aýdanynyń bas jospary qaralyp, maquldandy jáne jeke turǵyn úı qurylysyna 278 jer telimine jaǵymdy sheshim shyǵaryldy. Jalpy qujat aınalymy 9525 qujatty qurady. Onyń 1138-i ákim apparatynan boldy. Sondaı-aq 684 qyzmettik korrespondentsııa, 1559 bastamalyq hat, 454 azamattar ótinishi jáne qala ákiminiń 70 qaýlysy men uıǵarymdary tirkeldi.
