Almatyda jer beremin dep eldi aldaǵan alaıaq ustaldy

ALMATY. QazAqparat - Almatyda memleketten tegin jer alyp beremin dep eldi aldaǵan alaıaq ustaldy, dep habarlaıdy QazAqparat tilshisi.

Qalalyq ІІD baspasóz qyzmetiniń habarlaýynsha, 45 jastaǵy er adam jer qujattarynyń bárin ózi jasap alǵan.
 

«Jalǵan qujattardy kórsetip, adamdardyń senimine kirip otyrǵan. Shyn esimi Amantaı Belgibaev, biraq adamdarǵa Talǵat Orlanuly dep tanystyrǵan. Ol «8 sotyq jerdi memleketten tegin alýǵa qaqylaryńyz bar, osy qyzmetti kórsetkenim úshin tek 20-30 myń tóleseńder boldy», dep 30 adamdy aldaǵan.   Bul kelip aryzdanǵandar ǵana. Shyn máninde zardap shekkenderdiń sany odan kóp bolýy múmkin», - dedi Naýryzbaı aýdandyq ІІB basshysy Dáýren Ótebaev.
 

Qazirgi tańda kúdikti qamaýda otyr.

Qalalyq polıtsııa aqshasyn berip aldanyp qalǵan azamattar bolsa 254-44-62; 254-44-64 jáne 8-778-185-57-02 nómirlerine habarlasýdy suraıdy.