Almatyda jer alyp beremin dep jurtty aldaǵan kelinshek ustaldy
ALMATY. QazAqparat - Almatyda jer alyp beremin dep jurtty aldady degen kúdikpen 40 jastaǵy kelinshek ustaldy. Bul týraly qalalyq ІІD baspasóz qyzmeti habarlady.
Búginde polıtsııaǵa 5 adam shaǵymdanyp úlgerdi. Nazymgúl Halyqova olardan 5 mln teńge alǵan.
«Nazymgúl Halyqova adamdarǵa jer alyp beremin dep aqsha alǵan. Alaıda, ýádesin kúnde soza bergen soń japa shekkenderge aryzdanýǵa týra kelgen. Kúdiktiniń ózi bolsa, jaqyn tanysyna aldanyp qaldym dep otyr. Ol kisiniń áreketinen japa shekken adamdar bolsa 298-53-01; 298-53-02, 298-53-03 nómirlerine habarlassyn», - dedi Áýezov aýdany ІІB basshysy Baqyt Qasabekov.
