Almatyda JEO-2 gazǵa aýystyrýdyń jol kartasy jasaldy
ALMATY. QazAqparat – Almatyda JEO-2-ni gazǵa aýystyrý boıynsha arnaıy jol kartasy jasaldy, dep habarlaıdy QazAqparat tilshisi.
Almaty qalalyq jasyl ekonomıka basqarmasy megapolıstegi ekologııalyq máseleni sheshý maqsatynda keshendi sharalar qabyldaýda.
«EKOSERVIS-S» sarapshylary júrgizgen zertteýge sáıkes, 2018 jyly turaqty kózderden aýaǵa shyǵarylǵan zııandy zattar kólemi 34% nemese 43 myń tonnany qurady. Sonyń ishinde JEO -1, JEO -2 bar.
«Búgingi tańda JEO-1 tolyqtaı gazben jabdyqtalǵan. JEO-2 gazǵa kóshirý úshin «Almaty JEO-2 modernızatsııasy» jobasynyń jol kartasy jasaldy. 2019 jyldyń 15 qarashasynda «Almaty elektr stansalary» AQ tehnıkalyq-ekonomıkalyq negizdemeni ázirleý týraly «QazNIPI Energoprom» AQ-men kelisimge qol qoıdy. Endi JEO modernızatsııalaý týraly sheshim qabyldanady», - dep habarlady Almaty qalalyq jasyl ekonomıka basqarmasynyń ókilderi.
Sonymen birge, qorshaǵan orta sapasynyń nysanaly kórsetkishterine qol jetkizýdi baqylaý boıynsha jumystar júrgizilýde. Almatydaǵy qorshaǵan ortanyń jaı-kúıin avtomatty túrde baqylaıtyn gazanalıtıkalyq stansalar ornatý josparlanǵan.
Júrgizilgen statıstıkaǵa sáıkes, lastaný kózderiniń biri avtokólikter. Olardyń zııandy shyǵaryndysy shamamen 65%.
Almatyda 517 myńnan astam kólik tirkelgen. Onyń syrtynda kún saıyn qalaǵa 250 myńǵa jýyq kólik kiredi. Sondyqtan da qala atmosferasyndaǵy shyǵaryndy deńgeıi joǵary.
Sonymen qatar, qala boıynsha gazǵa qosylmaǵan 3149 turǵyn úıdiń shyǵaryndysy 1 paıyz kóleminde.
