Almatyda Jeńistiń 65 jyldyǵyna arnalǵan poshta markasy aınalymǵa shyqty

/em>Sáýirdiń 15-i. QazAqparat /Názıra Eleýhan/ - Búgin Almatyda "Qazposhta" AQ Jeńistiń 65 jyldyǵyna arnalǵan poshta markasyn aınalymǵa shyǵardy,

dep habarlaıdy QazAqparat.

Markada máńgi alaýdyń aıasynda Máskeý qalasyn qorǵaý kezinde soǵysta erlik kórsetken 28 panfılovshylarǵa arnalǵan saıabaqtaǵy Dańq memorıaly beınelengen.

Tanystyrylymdy Almaty qalalyq ardagerler keńesiniń tóraǵasy Erenǵaıyp Shaıhýtdınov pen "Qazposhta" AQ tóraǵasynyń orynbasary Erserik Sıyrbaev ótkizdi.

"Bul sharadan bólek, "Qazposhta" AQ Uly Jeńistiń 65 jyldyǵy qurmetine arnap ardagerlerge áleýmettik kómek retinde qaıyrymdylyq aktsııasyn ótkizip jatyr. Biz sonymen qatar, soǵys taqyrybyna arnalǵan 17 204 poshta markasyn shyǵardyq. Uly Otan soǵysy ardagerleriniń qurmetine barlyq oblystyq bólimshelerde merekelik sharalar uıymdastyrylatyn bolady", dedi "Qazaposhta" AQ tóraǵasynyń orynbasary Erserik Sıyrbaev. Onyń aıtýynsha, aldaǵy ýaqytta "Qazposhta" AQ Tyl eńbekkerlerine 238 330 dana "A" degen árippen tańbalanǵan konvertter tabystaıtyn bolady.