Almatyda Jeńis Kúni merekesi qarsańynda Uly Otan soǵysynyń ardagerlerine páter kiltteri tapsyrylady
Jaqynda Almaly aýdanynda turatyn alty ardagerge bir bólmeli úıdiń páter kiltteri tabystalǵan bolatyn.
"Qurmetti ardagerler, bizge beıbit ómir, ashyq aspan syılaǵandaryńyzǵa, Otan úshin ot keshkenderińizge, qaıtpas qaısar erlik kórsetkenderińizge sheksiz alǵysymyzdy bildiremiz. Sonyń arqasynda biz búgin bereke-birlikte, yntymaqtastyqta ómir súrip jatyrmyz. Jańa páterlerińizdiń ishi baqyt pen qýanyshqa toly bolsyn. Sizderge zor densaýlyq, uzaq ǵumyr tileımin!", - dedi Almaly aýdanynyń ákimi Marat Prinbekov.
Óz kezeginde rızashylyqtaryn bildirgen ardagerler Elbasyna qamqorlyǵy úshin alǵystaryn bildirdi. Olar sonymen qatar, kezdesý barysynda "Bizdiń elimizdiń dáýleti - beıbitshilik, bereke-birlik jáne barlyq ult ókilderi arasyndaǵy dostyq", dep atap ótti.
