Almatyda jeńimpazdar forýmy ótti (FOTO)
ALMATY. QazAqparat - Almatyda QR Parlamenti Májilisi men barlyq deńgeıdegi máslıhattar depýtattarynyń saılaýynda aıqyn basymdyqpen jeńiske «Nur Otan» partııasynyń jeńisine baılanysty Jeńimpazdar forýmy ótkizildi.
Oǵan «Nur Otan» partııasynyń respýblıkalyq saılaýaldy shtaby jáne Almaty qalalyq fılıalynyń basshylyǵy, Almaty qalasy ákimdiginiń ókilderi, partııa atynan Almaty qalalyq Máslıhaty men QR Parlamenti depýtattyǵyna usynylǵan kandıdattar, «Jas Otan» jastar qanatynyń músheleri, sondaı-aq, qaladaǵy joǵary oqý oryndarynyń stýdentteri qatysty.
6 myń oryndyq Balýan Sholaq atyndaǵy sport saraıy halyqqa lyq toldy. Moıyndaryna arnaıy bókebaı, qoldaryna «Nur Otan» partııasynyń jalaýlaryn ustaǵan jastar, olardy kóńildi áýenniń yrǵaǵyna qaraı bulǵap, «Nur Otan», «Nursultan», «Qazaqstan» dep uran salyp jatty.
Keıin, «Nur Otan» partııasynyń beldi músheleri sahnaǵa shyǵyp, jınalǵan qaýymdy partııanyń jeńisimen quttyqtap, tilekterin bildirdi.
«Shynynda bul erekshe saılaý boldy. Biz saılaýshylarmen myńdaǵan kezdesýler ótkizdik. Halyq bizdi qoldap otyr. Endi, mine Májiliske, barlyq deńgeıdegi máslıhattarǵa jańa býyn ókilderi, jańa tulǵalar, bilikti mamandar keldi.
Olar Elbasy Nursultan Nazarbaevtyń «Nur Otan» partııasynyń 17-shi sezinde jarııalaǵan baǵdarlamasyn júzege asyrýǵa kúsh salatyn bolady. «Nur Otan» partııasynyń qurylǵanyna17 jyl bolsa, osy jyldar ishinde partııa qabyldaǵan baǵdarlamalardyń barlyǵy da júzege asyp keledi. Olar halyqqa jaqsylyq, tynyshtyq ákeletin, ekonomıkany damytatyn baǵdarlamalar. Endi Elbasynyń aldymyzǵa qoıǵan jańa mindetteri de oıdaǵydaı júzege asyrylatyn bolady. Al búgingi, jeńimpazdar forýmy halyqtyń birligin, birige otyryp, Elbasyn qoldaıtyndyǵyn pash etip otyr», - dedi «Turan» ýnıversıtetiniń rektory, ekonomıka ǵylymdarynyń doktory Rahman Alshanov.
Osydan keıin forým belgili estrada ánshileriniń kontserttik baǵdarlamasyna ulasty.
