Almatyda jeńildetilgen aılyq jol júrý bıleti 1 naýryzdan bastap engiziledi

ALMATY. QazAqparat - Búgin Almaty qalasynyń besinshi shaqyrylymyndaǵy máslıhatynyń 50-shi sessııasynda depýtattar qala ákimdiginiń qoǵamdyq kólikter boıynsha jeńildetilgen aılyq jol júrý bıletin engizý týraly sheshimin qoldady.

Sonymen, mektep jasyndaǵy balalardyń bir aılyq jol júrý bıleti - 1000 teńge, zeınetkerler úshin - 2000 teńge turatyn boldy.

Kóp balaly analarǵa 50 paıyz jeńildik beriledi (2000 teńge). Al, 1-2 toptaǵy múgedekter jáne Uly Otan soǵysynyń ardagerleri tegin júretin bolady.

Jeńildetilgen bir aılyq jol júrý bıleti 1 naýryzdan bastap engiziledi.