Almatyda jeńil júristiler ordasyna aınalǵan qonaq úı áshkerelendi
ALMATY. 5 qazan. QazAqparat /Erlik Erjanuly/ - Almaty qalasynyń polıtseıleri jeńil júristi qyz-kelinshekterdi jezókshelikpen aınalysýǵa májbúrlep,
jeńgetaılyqpen aınalysqan Aqsaı yqshamaýdanyndaǵy shaǵyn qonaq úılerdiń biriniń ákimshisin ustady. Buǵan deıin olar "Konsýl", «Maıak», «Pole chýdes» jáne «Sagıshka» qonaq úıleriniń qojaıyndary men ákimshileriniń zańsyz isterin áshkerelegen bolatyn.
«Biz qalaǵa Jambyl oblysynan kelgen 40 jastaǵy Gúlzıra esimdi kelinshektiń týystarynyń qonaq úıinde jumys isteý úshin jarty jyl buryn kelgenin anyqtadyq. Ózin onda qojaıyn sezingen ol óziniń "qamqorlyǵyndaǵylardan" munda bolǵany úshin kún saıynǵy tólemnen bólek klıentterden bólmelerdi jalǵa alǵan ár saǵatyna aqy alyp otyrǵan. Ony áshkereleý úshin keshendi is-sharalar jospary jasalyp, qylmysy bultartpas aıǵaqtarmen dáleldendi", - deıdi qalalyq ІІD Uıymdasqan qylmysqa qarsy kúres basqarmasynyń Adam saýdasymen kúres bóliminiń bastyǵy Tańat Nazanov.Onyń aıtýynsha, operatsııa kezinde onshaqty jezókshe ustalǵan. Al qonaq úı ákimshisi jeńil júristilerdiń qyzmetin paıdalanýshy klıentten 8 myń teńge alyp jatqan jerinen qolǵa túsip otyr. Qazirgi tańda oǵan prıton uıymdastyrǵan jáne jeńgetaılyqpen aınalysqan degen aıyptar taǵylyp otyr.
