Almatyda jeńil júristi qyzdardy tonaǵan eki er adam ustaldy
ALMATY. QazAqparat - Almatyda jeńil júristi qyzdardy tonaǵan eki er adam ustaldy, dep habarlaıdy QazAqparat tilshisi.
Almaty qalalyq polıtsııa departamentiniń málimetinshe, eki er adam jarnama arqyly úıinde ıntım qyzmet kórsetetin jezókshe qyzdarǵa telefon soǵyp, kezdesýge kelgende tonap ketken.
«Kúdiktiler qyzdardy uryp, qorqytyp, aqsha, telefon, zergerlik buıymdardy alyp ketken. Olar qyzdar polıtsııaǵa aryzdanýdan qorqatynyna senimdi bolsa kerek. Jedel qyzmetkerler birneshe kúnniń ishinde kúdiktilerdi anyqtap, olardy ustady. Ekeýi de sıntetıkalyq esirtkini turaqty qoldanady. Qazirgi ýaqytta kúdiktilerge qatysty qala ishinde jasalǵan bes qylmystyq epızod anyqtaldy», - dedi Bostandyq aýdandyq polıtsııa basqarmasynyń bastyǵy Dýman Aýhadıev.
Kúdiktiler ýaqytsha ustaý ızolıatoryna qamaldy.
