Almatyda jeńil júristi boıjetkenniń ólimine qatysty kúdikti quryqtaldy

dep habarlady Almaty qalalyq ІІD baspasóz qyzmeti.

Baspasóz qyzmetiniń ınspektory Gúlnar Jamanqulovanyń habarlaýynsha, Ózbekstannyń 19 jasar azamatshasynyń jansyz denesi osy jyldyń 17 shildesinde Almaly aýdany aýmaǵyndaǵy úılerdiń birindegi jaldamaly páterde tabylǵan bolatyn. Sol kúni-aq sot-medıtsınalyq saraptamashylary boıjetkenniń ólimi býyndyrý faktisi saldarynan bolǵan degen tujyrymǵa keldi.

«Tártip boıynsha, tergeý amaldary bul kisi óliminiń barlyq sebepteri men múmkin degen boljamdaryn joqqa shyǵarǵan joq. Bárinen buryn jedel ýákilder qaıtys bolǵan qyzdyń klıentterge jynystyq qyzmet kórsetkenin anyqtady. Ol óziniń kásibi týraly habarlandyrý berip, jaldamaly páterde klıentterin qabyldaǵanyn da eske sala ketý kerek. Bul qylmys belgisiz jaǵdaılarda jasalǵan, kýágerler de joq. Degenmen de, biz bul qylmystyń qalaı oryn alǵandyǵy jáne azamatsha E.-niń sońǵy klıentininiń jeke basyn anyqtaýǵa qol jetkizdik», - dep habarlady Almaty qalalyq ІІD Krımınaldy polıtsııa basqarmasynyń bastyǵy, polıtsııa polkovnıgi Amangeldi Shiderqulov.

Jedel ýákilderdiń nazary Almaty oblysynyń 29 jasar turǵynyna tústi, kisi óltirilgen kúni qarsańynda ol jynystyq qyzmet kórsetýshi qyzǵa telefon shalyp, aýyzsha ýaǵdalastyqtan soń qyzben kezdesýge kelgen.

«Sonymen qatar, ol jumysyna da barmaǵan, ata-anasyna da, dostaryna da ózi týraly esh nárse bildirmeýge tyrysqan. ІІD men ІІM-niń basqa da bólimshelerindegi áriptesterimizben birlese otyryp, biz kúdiktini izdestirý men ustaý týraly arnaıy operatsııa josparyn qurǵan bolatynbyz. Birneshe kún buryn ol Almaty qalasynyń aýmaǵynda ustaldy. Azamat E. birinshi jaýap alý kezinde-aq óz istegenin moıyndady, jábirlenýshi men ekeýiniń arasyndaǵy urys-keristen tutanǵan qahar men ashýdyń saldarynan osylaı bolǵandyǵyn túsindirip baqqan. Ustalǵan jigittiń bergen túsiniktemeleri men bul qylmystyń anyq-qanyǵy Almaly AІІB-de jalǵasqan tergeý nátıjesinde mindetti túrde muqııat tekseriletin bolady. Kúdikti qamaýǵa alyndy. Tergeý amaldary jalǵasýda»,- dedi polkovnık A. Shiderqulov.