Almatyda jeńil kólik júk kóligimen soqtyǵysyp, bes adam aýrýhanaǵa tústi
ALMATY. QazAqparat - Almatyda ishi jolaýshyǵa toly jeńil kólik júk kóliginiń artynan soqty, dep habarlaıdy QazAqparat tilshisi.
Almaty qalalyq Polıtsııa departamentiniń málimetinshe, jol apaty 8 qyrkúıek kúni keshki saǵat 17:00 shamasynda Móńke bı kóshesiniń boıynda B. Momyshuly kóshesine jetpeı boldy.
«VAZ» kóliginiń júrgizýshisi Móńke bı kóshesiniń boıymen batys baǵytta kele jatyp, joldyń boıynda toqtap turǵan «Sinotruck» júk kóligine soǵyldy. Jol -kólik apaty saldarynan «VAZ» kóliginiń 5 jolaýshysy zardap shekti. Túrli dene jaraqatyn alǵandar №7-shi qalalyq klınıkalyq aýrýhanaǵa jetkizildi»,- dep habarlady polıtsııadan.
Apattyń mán-jaıyn Alataý aýdandyq polıtsııa basqarmasynyń ókilderi anyqtap jatyr.
