Almatyda jeńil kólik jol jóndeý úshin tógilgen qumǵa kirip ketti
ALMATY. QazAqparat - Almatynyń ortalyq kóshelerinde júrgizilip jatqan jóndeý jumystary kúndiz jol keptelisin týdyryp qana qoımaı, keıbir jolaýshylardyń abaısyzda jol-kólik apatyna ushyraýyn sebep bolyp otyr, dep habarlaıdy QazAqparat tilshisi.
Almatyda júrgizýshi áıel «Toıota Rav 4» kóligimen Qabanbaı batyr kóshesimen shyǵys baǵyttan kele jatyp, Naýryzbaı batyr kóshesine jetpeı, jol shetinde tógilgen qumtastarǵa soǵylǵan.
Kýágerler ol jerde eshqandaı eskertý belgisi bolmaǵanyn, áıel adam baıqamaı qalǵanyn aıtady. Eskertý belgileri aryqtarda shashylyp jatqan. Jol apatyna ushyraǵan kelinshekti jedel járdem alyp ketken.
Oqıǵa ornyna polıtsııa shaqyrtyldy.
