Almatyda jeńil kólik poıyzben soǵysty
ASTANA. QazAqparat - Almatyda jeńil kólik poıyzben soǵysty. Bul jaıynda «QTJ - Júk tasymaly» AQ baspasóz qyzmetinen málim etti, dep habarlaıdy QazAqparat tilshisi.
«Saǵat 4:19-da Almaty-1-Almaty-2 aralyǵynda saǵatyna 30 shaqyrym jyldamdyqpen kele jatqan júk poıyzynyń mashınısi temir jolda tosynnan Hyundai Accent kóliginiń shyǵa kelýi saldarynan shuǵyl tejegish basýǵa májbúr boldy. Ara qashyqtyq tym jaqyn bolǵandyqtan soqtyǵysý oryn aldy. Zardap shekkender men qaza tapqan joq. Poıyz saǵat 05:34-te qaıta jolǵa shyqty. Teplovoz ben lokomotıv brıgadasy «TTT Servıs» JShS-ne tıesili», - delingen habarlamada.
Kompanııa málimetinshe, atalǵan ýchaskede kólikterdiń temir joldy kesip ótýge ruqsat etilgen bóligi joq. Jeńil kólik júrgizýshisi Jol qozǵalysy erejesin buzyp, temir jolǵa shyǵyp ketken. Sonyń saldarynan poıyzben soǵysqan.
«Atalǵan oqıǵa tergelýde. Temir jol shtattyq rejimde jumys istep tur», - dep atap ótti kompanııadan.
Jalpy jyl basynan beri poıyz mashınısteri temir jol boıyna shyǵyp ketken kólikterdi, adamdardy qaǵyp ketpeýi úshin 2 myńnan astam ret shuǵyl teshegish basqan. Onyń 90 paıyzynda lokomotıv brıgadasynyń biliktiginiń arqasynda qaıǵyly oqıǵalar oryn almaǵan. Temir jol boıynda jyl basynan beri 9 apat oryn aldy. Barlyq apattarǵa jeńil kólik júrgizýshileri kináli.
