Almatyda jeńil kólik kópirden qulap ketti
ALMATY. QazAqparat- Almatyda Rysqulov dańǵyly men Kúderın kóshesindegi kópirden Toyota kóligi qulap ketti. Saldarynan birneshe adam zardap shekti, dep habarlaıdy QazAqparat tilshisi.
Jol apatynyń vıdeosy áleýmettik jelige tarady.
Almaty qalalyq Polıtsııa departamentiniń málimetinshe, Rysqulov dańǵylynyń boıymen batys baǵytta júrip kele jatqan Volkswagen kóliginiń júrgizýshisi manevr jasaý barysynda Toyota kóligimen soqtyǵysqan. Ol kópirdiń tiregine soǵylyp, joldan shyǵyp ketip, aýdarylǵan.
«Toyota kóliginde júrgizýshi men bes jolaýshy bolǵan. Olar medıtsınalyq tekserýden ótý úshin qalalyq aýrýhanalarǵa jetkizildi. Oqıǵanyń mán-jaıy tergeý barysynda anyqtalatyn bolady»,- dep habarlady vedomstvodan.
