Almatyda jeńil kólik kópir baǵanyna soǵyldy
ALMATY. QazAqparat - Almatyda Shyǵys aınalma jolynda kópir baǵanyna soǵylǵan kólik júrgizýshisin jedel járdem alyp ketti, dep habarlaıdy QazAqparat tilshisi oqıǵa ornynan.
Jol-kólik apaty Shyǵys aınalama jolynyń Tóle bı kóshesimen qıylysynda bolǵan.
«Jıgýlı» kóligi atalǵan kúre jolmen kele jatqan. Aınalma joldyń tusyna kelgen belgisiz kólik onyń jolyn kesip ótpek bolǵan. Jol apatynan qashpaq bolǵan júrgizýshi solǵa shuǵyl buryp, kópir baǵanyna soǵylǵan.
Jıgýlı júrgizýshisin jedel járdem alyp ketti. Apatqa ushyraǵan kólik qatty zaqymdandy.
