Almatyda jeńil kólik KamAZ-ǵa soǵylyp, 1 adam qaza tapty
ALMATY. QazAqparat- Almatyda jeńil kólik KamAZ-ǵa soǵylyp, bir adam qaza tapty, dep habarlaıdy QazAqparat tilshisi.
Almaty qalalyq polıtsııa departamentiniń baspasóz qyzmetiniń málimetinshe, kólik apaty búgin túski saǵat 12:00 shamasynda Abaı saıajaıyndaǵy Naýryzbaı aýmaǵynda boldy.
«VAZ-211440» avtokóliginiń júrgizýshisi Karernaıa kóshesiniń soltústik baǵytynda kele jatyp, qarsy qozǵalysqa arnalǵan jolaqqa shyǵyp ketken. Nátıjıesinde KamAZ kóligine soǵylǵan. Jol-kólik oqıǵasy saldarynan VAZ-211440 avtokóliginiń júrgizýshisi oqıǵa ornynda kóz jumdy»,- dedi Almaty qalasy PD tergeý basqarmasynyń bastyǵy Oljas Sháripov.
Bul derek sotqa deıingi tergeýdiń biryńǵaı tiziliminde QRQK 345-baby, 4-bóligi boıynsha tirkeldi.
