Almatyda jeńil kólik KamAZ ben avtobýsqa soǵyldy
ALMATY. QazAqparat - Almatyda jeńil avtokólik jáne avtobýstyń qatysýymen jol-kólik oqıǵasy boldy, dep habarlaıdy «QazAqparat» HAA tilshisi.
Qalalyq ІІD baspasóz qyzmetiniń habarlaýynsha, Bekmahanov kóshesimen shyǵys baǵytta kele jatqan Nissan markaly avtokólik Svobodnaıa kóshesiniń qıylysynda qarsy jolaqqa shyǵyp ketken jáne qarsy kele jatqan KamAZ júk kóligi men avtobýsty soqqan.
Jol-kólik oqıǵasy saldarynan 1986 jyly týǵan Nissan júrgizýshisi jáne 1978 jyly týǵan jolaýshysy zardap shekti. Ekeýi de qaladaǵy aýrýhanaǵa jetkizildi.
«Atalǵan fakti boıynsha qalalyq ІІD tergeý basqarmasy QR QK 354-baby boıynsha sotqa deıingi tergeý jumystaryn bastady. Apatqa sebep bolǵan faktorlar boıynsha saraptama júrgiziledi», - dep habarlady qalalyq ІІD.
