Almatyda jeńil kólik gaz qubyryna soǵylyp, júrgizýshi mert boldy

ALMATY. QazAqparat – Almatyda Peugeot markaly kólik gaz qubyryna soǵylyp, júrgizýshi oqıǵa ornynda kóz jumdy, dep habarlaıdy QazAqparat tilshisi.

Polıtsııa departamentiniń habarlaýynsha, oqıǵa Qojanovm pen Eksperımentalnaıa baza kósheleriniń qıylysynda bolǵan.

Peugeot kóliginiń júrgizýshisi rólge ıe bola almaı, bar jyldamdyqpen beton qorshaýdy soqqan. Artynsha gaz qubyryna soǵylyp, mashına otqa oranǵan.

«Júrgizýshiniń kim ekeni anyqtaldy. Ol - 1970 jyly týǵan E. esimdi azamat. Oqıǵaǵa deıin ol eki jol apatyn jasap, qashyp ketkeni belgili boldy. Qazirgi ýaqytta bul fakt QR QK 345-baby 3-bóligi boıynsha sotqa deıingi tergeýdiń biryńǵaı tiziliminde tirkeldi. Qylmystyq isti Almaty qalalyq PD tergeý basqarmasy júrgizedi» dep habarlady polıtsııadan.