Almatyda jeńil kólik baǵanǵa soǵylyp, janyp ketti
ALMATY. QazAqparat - Almatyda ál-Farabı dańǵylynda túnde kólik baǵanǵa soǵylyp, órtenip ketti, dep habarlaıdy QazAqparat tilshisi.
Jol apatynyń vıdeosy áleýmettik jelide tarady.
Almaty qalalyq Polıtsııa departamentiniń málimetinshe, jol apaty 10 maýsym kúni saǵat 03:05 shamasynda ál-Farabı dańǵylynda bolǵan.
«Shyǵys baǵytta kele jatqan BMW kóligi jarnama baǵanyna soǵylyp, artynsha otqa orandy. Oqıǵa saldarynan júrgizýshi túrli dene jaraqatyn aldy. Ol - medıtsınalyq mekemege jetkizildi. Atalǵan derekti Bostandyq aýdandyq polıtsııa basqarmasynyń qyzmetkerleri tekserip jatyr», - dedi Almaty qalalyq polıtsııa departamenti Anyqtaý basqarmasynyń bastyǵy, Oljas Sháripov.
