Almatyda jeńil kólik avtobýsqa soǵylyp, órtenip kete jazdady
ALMATY. QazAqparat - Almatyda Abaı kóshesinde jeńil kólik avtobýsqa soǵyldy. Bul týraly Instagramdaǵy kris_p_almaty paraqshasynda jarııalanǵan.
Oqıǵaǵa kýá bolǵandardyń aıtýynsha, Toıota Lend Krýzerdi tizgindegen áıel aldyndaǵy kenet toqtaǵan kólikten qasham dep avtobýsty soqqan.
Soqqy saldarynan avtobýstan metan gazy aǵa bastady. Oqıǵa ornyna jetken mamandar tótenshe jaǵdaıdyń aldyn aldy.
Jol apatynan kólik júrgizýshisi men onyń balasy japa shegip, olarǵa dárigerlik kómek kórsetildi.
Oqıǵanyń mán jaıyn polıtsııa anyqtap jatyr.
