Almatyda jeńil kólik avtobýsqa soǵyldy
ALMATY. QazAqparat - Almatyda jeńil kólik avtobýsqa soǵylyp, 3 adam jaraqat aldy, dep habarlaıdy QazAqparat tilshisi.
Jol apaty Jeltoqsan men Raıymbek kósheleriniń qıylysynda boldy.
Oqıǵa kýágerleriniń aıtýynsha, №137 marshrýt avtobýsy Raıymbek kóshesimen shyǵysqa baǵyt alyp bara jatqan. Qıylysqa kelgende ol artqa burylmaq bolǵan. Osy sátte Raıymbek kóshesimen batysqa qaraı asa úlken jyldamdyqpen Volkswagen kóligi kele jatqan.
Júrgizýshi tejegishti basyp úlgermeı avtobýsqa baryp soǵyldy.
Jol apatynan 3 adam: jeńil kólik júrgizýshisi men eki jolaýshysy jaraqat aldy.
Oqıǵanyń mán-jaıyn polıtsııa tekserip jatyr.
