Almatyda jeńil atys qarýlarynyń zańsyz aınalymy jóninde aımaqtyq sarapshylyq semınar ótedi
ASTANA. Mamyrdyń 24-i. QazAqparat /Ernur Aqanbaı/ - Mamyrdyń 24-25-i kúnderi Almatyda jeńil atys qarýlarynyń zańsyz aınalymy máseleleri jónide aımaqtyq sarapshylyq semınar ótedi. Buny QR Syrtqy ister mınıstrligi «Safer World» uıymymen birlesip uıymdastyryp otyr. Bul týraly búgin Astanadaǵy aptalyq brıfıngte QR Syrtqy ister mınıstrliginiń resmı ókili Asqar Ábdirahmanov aıtty,
dep habarlaıdy QazAqparat.
«Aımaqtyq dıalogty ilgeri jyljytý, Ortalyq Azııa elderiniń, EQYU, UQShU, ShYU jáne basqa da halyqaralyq uıymdarǵa múshe memleketterdiń tájirıbesin eskere otyryp jeńil atys qarýlarynyń baqylaýsyz taralý qaýpin tómendetý úshin aqparattyq tájirıbe almasýdy jolǵa qoıý semınardyń basty maqsaty bolyp tabylady», dedi A. Ábdirahmanov.
Onyń aıtýynsha, sharaǵa Ortalyq Azııa elderiniń, Aýǵanstannyń, Qytaıdyń, Reseıdiń, Eýropalyq Odaq elderiniń, sondaı-aq BUU-nyń qarýsyzdaný máseleleri jónindegi keńsesiniń, BUU-nyń preventıvti dıplomatııa jónindegi Ashǵabadtaǵy aımaqtyq ortalyǵynyń, EQYU, UQShU jáne ShYU-nyń ókilderi qatysatyn bolady.
