Almatyda jeńil atletıkadan chempıonat ótedi
ALMATY. QazAqparat - Almatyda jeńil atletıkadan chempıonat ótedi, dep habarlaıdy QazAqparat tilshisi QR jeńil atletıka Federatsııasynyń baspasóz qyzmetine silteme jasap.
Sport dodasy 12-14 maýsym aralyǵynda ótedi.
Sportshylar Qazaqstan birinshiliginde Bhýbaneshvarda (Úndistan) ótetin Azııa chempıonaty (6-9 shilde) men Londondaǵy álem chempıonatynyń (4- 13 tamyz) normatıvin oryndaıdy.
Jarys júgirýdiń barlyq baǵdarmalary boıynsha ótedi. 100 jáne 200 metrge júgiretin sprınterlerden bastap, 5 000, 10 000 metrge júgiretin staıerlerge deıin saıysqa túsedi. Sondaı-aq kedergiler arqyly júgirý, sporttyq júris, kópsaıys (jetisaıys, onsaıys), sekirýdiń barlyq túri (uzyndyqqa sekirý, bıiktikke sekirý, úsh qarǵyp sekirý, syryqpen sekirý) jáne dısk, naıza, balǵa laqtyrý men ıadro serpý jarys baǵdarlamasyna engizilgen.
Qazaqstan quramasynyń bas bapkeri Grıgorıı Egorovtyń aıtýynsha, chempıonatqa elimizdegi barlyq atletter, halyqaralyq jarystardan júldeli oralyp júrgen betke ustar atletter de qatysady.
Sondyqtan 12-14 maýsymda Ortalyq stadıonda Búkilálemdik Ýnıversıada, Azııa oıyndary, qurlyq birinshilikteri men Azııa Gran-prıiniń jeńimpazdary men júldegerleri óner kórsetedi. Olardyń arasynda Roman Valıev, Evgenıı Ektov, Georgıı Sheıko, Tahırjan Qadyrqulov, Olga Safronova, Vıktorııa Zıabkına, Elına Mıhına, Áıgerım Shynazbekovalar bar.
«Kórermender stadıonǵa tegin kire alady. Medaldardyń kópshiligi 12-13 maýsym kúni sarapqa salynady. Chempıonat Astana ýaqyty boıynsha 16:00-de bastalady», - dedi baspasóz qyzmetinen.
