Almatyda jeńil atletıkadan alǵash ret kásibı jarys ótpek
ALMATY. QazAqparat - «Almaty Arena» stadıonynda Qazaqstanda alǵash ret «Meteor» atty júgirý jobasy iske qosylady. Jeńil atletıkadan ótkiziletin jarys áýesqoılarǵa 400 m, 800 m, 1500 m, 3000 m qashyqtyqtarda jáne 4-te 400 estafetasynda, sondaı-aq aralas komandalar quramyndaǵy «Shved Estafetasynda» baq synasýǵa jol ashady, dep habarlaıdy QazAqparat tilshisi qalalyq «Sport habyna» silteme jasaı otyryp.
Saıys qarasha aıynyń 4-5-i aralyǵynda ótkizilmek.
««Meteor» sporttyq sharasy qala turǵyndaryn negizgi júgirý túrlerimen shuǵyldanýdy nasıhattaý, osy sport túrine qyzyqtyrý, sondaı-aq, áýesqoılardyń júgirýden sheberlikterin arttyrý maqsatynda uıymdastyrylady», delingen habarladama.
Jarysqa 14 jastan joǵary júgirý áýesqoılary qatysa alady. Shara Almaty qalasynyń jeńil atletıka federatsııasy, «Ekstremalnaıa atletıka» qoǵamdyq birlestigi men Almaty qalasy dene shynyqtyrý jáne sport basqarmasynyń qoldaýymen ótkiziledi.
Bul jarysqa qatysý úshin www.runmeteor.kz saıtynda elektrondy túrde tirkelý qajet.
