Almatyda jeńgetaılyq jasaǵan klýb basshysy ustaldy
ALMATY. QazAqparat - Almatyda strıptız-klýbtyń ıesi men úsh ákimshisi ustaldy, dep habarlaıdy «QazAqparat» HAA tilshisi Almaty ІІD-ge silteme jasap.
Іshki ister departamentindegiler klýbtyń qylmystyq qyzmetin aıǵaqtaý úshin birneshe ret jedel sharalar júrgizilgenin aıtady.
«Klýbtyń ıesi men ákimshileri aldyn ala sóz baılasý negizinde ońaı oljaǵa qaryq bolýdy kózdep, kelýshilerge jeńil júristi qyzdardy usyndy degen kúdikpen ustaldy. Olar qylmystyq áreketti ábden oılastyra iske asyrǵan, árbir fıgýranttyń bólek-bólek atqaratyn mindeti bolǵan. Máselen, «jumysshy» qyzben ótkizetin bir tún úshin 300 dollar alyp otyrǵan. Eger klıent óz qalaýyna qaraı apartament tańdaımyn dese, qyzmet baǵasyn ósirip otyrǵan. Ótken túnde kúdiktiler qylmys ústinde áshkerelenip, ustaldy. Biz barǵan kezde klýbta 22 qyz bar edi, sonyń úsheýi Reseıdiń, ekeýi Ózbekstannyń azamatshasy», - deıdi Almaty qalasy ІІD uıymdasqan qylmysqa qarsy kúres basqarmasynyń bastyǵy Berik Ábilbekov.
Ustalý faktisi boıynsha QR Qylmystyq kodeksiniń 309-baby, 2-bóligimen sotqa deıingi tergep-tekserý júrgizilip jatyr.
