Almatyda «jeńgetaıdyń» tutqynynan 16 jastaǵy qyz bosatyldy
ALMATY. 5 qańtar. QazAqparat /Názıra Eleýhan/ - Almatyda kámelettik jasqa tolmaǵan qyzdy jezókshelikpen aınalysýǵa májbúrlegen 28 jastaǵy taǵy bir jeńgetaıdyń isi áshkerelendi.
Jezóksheliktiń kezekti qurbany bolǵan, Almaty oblysy, Іle aýdany, Ótegen batyr aýylynyń turǵyny, 16 jastaǵy Anastasııa jeńgetaı áıeldiń qolyna jeńil aqsha izdeımin dep shyrmaýyna túsken.
«Atalmysh qyz týraly aqparat jedel arnalar arqyly kelip tústi. Biz aldymen syrttaı tekserý júrgizip, arnaıy quryqtaý operatsııasyn qurdyq. Qyzdy «Dorojnık» yqsham aýdanyndaǵy úılerdiń birinde kúshtep ustap, erkinen tys aqyly jynystyq qatynasqa túsýge májbúrlep kelgen. Ol bir aıǵa jýyq quldyqta boldy. Tekserý barysynda oǵan kúsh kórsetilip kelgendigi anyqtaldy. Boıjetkendi jezókshelikpen aınalysýǵa májbúrlegen 28 jastaǵy áıel quqyqbuzýshylyqtyń uıymdastyrýshysy bolyp shyqty jáne buǵan deıin ózi jezókshelikpen aınalysqandyǵy belgili boldy. Qazir atalǵan fakti boıynsha qylmystyq is qozǵaldy»,- dedi Almaty qalasy ІІD Uıymdasqan qylmyspen kúres basqarmasy adam saýdasymen kúres bóliminiń bastyǵy, polıtsııa podpolkovnıgi Tańat Nazanov.
